მომხმარებელსა და თანამშრომელზე ზრუნვა ჩვენი კომპანიის სოციალური პასუხისმგებლობის ნაწილია, რომლის გასაძლიერებლად ქსელის მასშტაბით სხვადასხვა აქტივობები და პროექტები ხორციელდება მთელი წლის განმავლობაში. ჯანსაღი ცხოვრების წესი პირველ რიგში თანამშრომლების ჯანმრთელობაზე და მათთვის ჯანსაღი სამუშაო გარემოს შექმნაზე ზრუნვაა.
ჩვენი კომპანიის შიგნით განხორციელებული და მიმდინარე პროექტები:
5-დან 4 ადამიანს არ შეუძლია, გადაარჩინოს სიცოცხლე - შეცვალე სტატისტიკა!
ევექსის ჰოსპიტლების მორიგი კამპანია სოციალური პასუხისმგებლობის ფარგლებში-ბათუმის რეფერალური ჰოსპიტლისა და ბათუმის ბულვარის ერთობლივი პროექტი ბათუმის ბულვარში პირველადი სამედიცინო დახმარების 30 ყუთის განთავსებას და არამედიკოსი მოქალაქეების პირველადი გადაუდებელი
სამედიცინო დახმარების გაწევაში გადამზადებას გულისხმობს.
მოხალისეებს ტრენინგს First Aid-ში TOT მოდულით გადამზადებული, ბათუმის რეფერალური ჰოსპიტლის სპეციალური ტრენერები უტარებენ. სწავლებისას გამოიყენება არსებული მულაჟები და პირველადი დახმარებისთვის საჭირო სხვა ინვენტარი. 2019 წელს აჭარის რეგიონში მცხოვრები 500 მოხალისე გადამზადდა.
აღნიშნული პროექტის ფარგლებში, სამედიცინო ყუთები ალი და ნინოს მონუმენტიდან ბათუმის აკვაპარკამდე, 4-კილომეტრიან ზოლზეა განაწილებული. ბათუმის ბულვარში განთავსდა ინსტალაციაც, რომელიც პირველადი ჯანდაცვის სერვისის თემატიკას
უსვამს ხაზს. საჭიროების შემთხვევაში, გადამზადებული მოხალისეები ყუთში მოთავსებული სამედიცინო მასალების გამოყენებით პირველადი გადაუდებელი დახმარების აღმოჩენას შეძლებენ.
CSR პროექტი - ევექსი ჰოსპიტლების კამპანია სოციალური პასუხისმგებლობის ფარგლებში
ევექსი ჰოსპიტლების მორიგი კამპანია სოციალური პასუხისმგებლობის (CSR) ფარგლებში გრძელდება. პროექტი, ამჯერად, საქართველოს ზამთრის კურორტებზე მიმდინარეობს და გულისხმობს მაშველების გადამზადებას პირველადი სამედიცინო დახმარების გაწევაში.
კამპანიის ფარგლებში ჯამში 100 მაშველი გადამზადდა. ტრენინგები First Aid-ში TOT მოდულით გადამზადებულმა ტრენერებმა ჩაატარეს. სწავლებისას გამოიყენებულ იქნა არსებული მულაჟები და პირველადი დახმარებისთვის საჭირო სხვა ინვენტარი. ტესტირების წარმატებით გავლის შემდეგ მაშველებს ევექსი ჰოსპიტლების სერტიფიკატები და სპეციალურად მათთვის განკუთვნილი დაბრენდილი ზურგჩანთები გადაეცათ. ძირითადი აქცენტი ტრავმებზე, მოტეხილობების იმობილიზაციაზე, სხეულის გადაციებაზე, მოყინვასა და კარდიოგენული შოკის მართვაზე გაკეთდა.