25 Mарт, 2020

როგორ უნდა დავიცვათ თავი ახალი კორონავირუსისგან ?

როგორ უნდა დავიცვათ თავი ახალი კორონავირუსისგან ?
თანამედროვე მედიცინის გამოწვევა, COVID 19 განსაკუთრებით საყურადღებოა გულით დაავადებული და ხანშიშესული პაციენტებისთვის. ახალ კორონავირუსს, სხვა პანდემიებისგან განსხვავებით, გართულებების დაბალი რისკი ახასიათებს, თუმცა თანმხლები გულ-სისხლძარღვთა დაავდებები ამ რისკს, დაახლოებით, 4-ჯერ ზრდის.

‍ზედმიწევნით გაითვალისწინეთ ზოგადი და სასიცოცხლოდ მნიშვნელოვანი რჩევები:
  • ხშირად დაიბანეთ ხელები. ერიდეთ დაუბანელი ხელით სახის, თვალების, ცხვირის, პირის ლორწოვანის შეხებას.
  • მოერიდეთ ხალხმრავალ ადგილებს, უარი თქვით ხელის ჩამორთმევაზე, გადაკოცნაზე.
  • ხველებისა და ცემინებისას დაიცავით დისტანცია, შებრუნდით და გამოიყენეთ ერთჯერადი ცხვირსახოცი ან მოხრილი იდაყვი.
  • სიმშვიდე, ჯანსაღი კვება, ზომიერი ფიზიკური დატვირთვა და მშვიდი ძილი აუცილებელია თქვენი იმუნიტეტის გაძლიერებისთვის.
  • ზომიერად მიიღეთ სითხე (რაოდენობა შეათანხმეთ მკურნალ ექიმთან)
  • მეორადი ბაქტერიული და ვირუსული ინფექციების თავიდან ასაცილებლად სასურველია ჩაიტაროთ ვაქცინაცია პნევმოკოკებისა და ინფლუენსას წინააღმდეგ (მიმართეთ მკურნალ ექიმს).
  • ხველის, ცხელების ან სუნთქვის გაძნელების შემთხვევაში აუცილებლად მიმართეთ ექიმს (მოერიდეთ პირად ვიზიტს).


"დასავლეთ საქართველოს გულის ცენტრი" გთავაზობთ ონლაინ კონსულტაციებს.
ჰიგიენური წესების მკაცრი დაცვით COVID 19 ადვილად დამარცხებადია!


ნიკოლოზ ვაშაყმაძე - "დასავლეთ საქართველოს გულის" ცენტრის ხელმძღვანელი