06 Декабрь, 2021

გასტროენტეროლოგიური სერვისი ქუთაისის რეფერალურ ჰოსპიტალში

გასტროენტეროლოგიური სერვისი ქუთაისის რეფერალურ ჰოსპიტალში

ქუთაისის რეფერალური ჰოსპიტლის გასტროენტეროლოგიური მიმართულება 15 წელს გადაცილებულ პაციენტებს კუჭ-ნაწლავის ტრაქტის ყველა დაავადების დიაგნოსტიკასა და მკურნალობას სთავაზობს.

საჭმლის მომნელებელი სისტემის დაავადებების დიაგნოსტირებისთვის გამოიყენება, როგორც ლაბორატორიული კვლევები, ისე თანამედროვე ტექნოლოგიური მიდგომები:

  • მუცლის ღრუს ექოსკოპია
  • რენტგენოგრაფია
  • ენდოსკოპიური კვლევები: ფიბროგასტროდუოდენოსკოპია, ფიბროკოლონოსკოპია
  • კომპიუტერული ტომოგრაფია

გასტროენტეროლოგების, რადიოლოგებისა და ენდოსკოპისტების კომპლექსური მიდგომით შესაძლებელია კუჭ-ნაწლავის ტრაქტის შემდეგი პათოლოგიების დიაგნოსტირება და მკურნალობა:

  • ეზოფაგიტი
  • გასტრიტი(მწვავე და ქრონიკული)
  • წყლულოვანი დაავადებები
  • პანკრეატიტი (მწვავე და ქრონიკული)
  • კოლიტი
  • ენტერიტი
  • არაკალკულოზური (უკენჭო) ქოლეცისტიტი 
  • ჰეპატიტები და ჰეპატოზი და ა.შ.

მკურნალობა ინდივიდუალურად ინიშნება და მოიცავს მედიკამენტოზურ თერაპიასა და დიეტას, შესაბამისი ნოზოლოგიის მიხედვით.

ქუთაისის რეფერალური ჰოსპიტლის გასტროენტეროლოგიის მაღალკვალიფიციურ გუნდს ხელმძღვანელობს დავით ჯუღელი.