ორთოპედია/ტრავმატოლოგია

მ. იაშვილის სახელობის ბათუმის დედათა და ბავშვთა ცენტრალური ჰოსპიტლის ბავშვთა ტრავმატოლოგია/ორთოპედიის მიმართულება ის დარგია, რომელიც სხვა განყოფილებებთან ერთად განსაკუთრებით განვითარებულია და ყველა თანამედროვე გამოწვევას ფეხს უწყობს.

ჰოსპიტალში პაციენტებს 24 საათის განმავლობაში მიეწოდებათ როგორც გადაუდებელი, აგრეთვე გეგმიური მომსახურება და ტრავმატოლოგიური/ორთოპედიული ოპერაციები სრულდება.

ბავშვთა ორთოპედია დაავადებათა და სინდრომთა მრავალმფეროვან სპექტრს აერთიანებს, მოიცავს თანდაყოლილი და შეძენილი დეფორმაციების, მათ შორის ბრტყელტერფიანობის, თუ მენჯ-ბარძაყის ამოვარდნილობის, აგრეთვე ხერხემლის დეფორმაციების, გენეტიკურ სინდრომთან დაკავშირებული კუნთოვანი და ძვლოვანი სისტემის დაავადებების მკურნალობას და სხვ.

თანამედროვე მედიცინის მიდგომების დანერგვისას ერთ-ერთი მნიშვნელოვანი ასპექტი ტიტანის ელასტიური ღეროების გამოყენებითა და MIPO ტექნიკით ჩატარებული ოპერაციები აღმოჩნდა, რაც მინიმალურ ინვაზიურ ჩარევას გულისხმობს და ჰოსპიტალს არამხოლოდ დასავლეთ საქართველოში წამყვან სამედიცინო დაწესებულებად აქცევს.

რაც შეეხება მთავარ რგოლს, რომელიც ყველა აღნიშნული გამოწვევის მიღმა დგას, ტრავმა/ორთოპედიული სამსახურის გუნდია.