ენდოსკოპია

ქუთაისის ონკოლოგიის ცენტრი დასავლეთ საქართველოს მოსახლეობას არაერთ სამედიცინო სერვისთან ერთად, დიაგნოსტიკურ ენდოსკოპიურ კვლევებს სთავაზობს.

ენდოსკოპის მეშვეობით ორგანიზმში არსებული მდგომარეობის დათვალიერება დიაგნოსტირებისა და სამკურნალო მიზნებით ხორციელდება არაერთ სამედიცინო დარგში:

• ქირურგია,
• პულმონოლოგია,
• უროლოგია,
• გინეკოლოგია თუ სხვა.

აღსანიშნავია ისიც, რომ კვლევას ონკოლოგიური დაავადებების ადრეულ დიაგნოსტირებაში დიდი როლი ეკისრება.

ჰოსპიტლის რადიოლოგიურ კვლევებს შორისაა:

სამკურნალო დიაგნოსტიკური ბრონქოსკოპია, რომელიც ნაკლებად ინვაზიურ მანიპულაციას წარმოადგენს. ხდება ქვედა სასუნთქი გზების დათვალიერება, ბრონქებისა და ფილტვების სანაცია, ბრონქიდან და ფილტვიდან ბიოფსიური მასალის აღება , უცხო სხეულის ამოღება სასუნთქი გზებიდან.

ეზოფაგოგასტროდუოდენოსკოპია - აღნიშნული ნაკლებ ინვაზიური მეთოდი კუჭ-ნაწლავის სისტემის ზედა ნაწილების - საყლაპავის, კუჭისა და თორმეტგოჯა ნაწლავის დათვალიერებას გულისხმობს. კვლევა გამოიყენება როგორც დიაგნოსტიკისთვის (საყლაპავის თიაქრის, ეზოფაგიტის, გართულებული/მტკივნეული ყლაპვის, კარდიის უკმარისობის, გასტრიტის, კუჭის ეროზიის/წყლულის, თორმეტგოჯა ნაწლავის ლორწოვანი შრის ანთება/ეროზიის, წყლულის, სიმსივნური წარმონაქმნების დროს), ასევე სამკურნალოდ (საჭმლის მომნელებელი სისტემის ზედა ნაწილებიდან, საყლაპავიდან, კუჭიდან, ვარიკოზული ვენებიდან თუ სხვა სისხლდენების დროს).

გასტროსკოპია უცნობი ეტიოლოგიის ანემიის დიაგნოსტიკისთვის კოლონოსკოპიასთან ერთადაც გამოიყენება.

კოლონოსკოპია - კვლევის დროს ნაწლავის ანთებადი, ონკოლოგიური დაავადებებისა და ფუნქციური მოშლილობის დიაგნოსტიკი და მკურნალობა ხერხდება. კოლონოსკოპია ასევე გამოიყენება სკრინინგის დროსაც.
კოლონოსკოპია წვრილი ნაწლავის, დისტალური ნაწლავისა და მსხვილი ნაწლავის ენდოსკოპიური კვლევის მეთოდს წარმოადგენს.

კოლპოსკოპია - საშოსა და საშვილოსნოს ყელის ენდოსკოპიური კვლევაა, რომელიც ეპითელიუმის დასათვალიერებლად გამოიყენება. მიმართავენ კიბოსწინარე პროცესების (დისპლაზია), საშვილოსნოს ყელის კიბოს, კონდილომების, კერატოზის (ლეიკოპლაკი), ეროზიის, ატროფიის, პოლიპისა თუ სხვა ჩვენებების დიაგნოსტირებისთვის.

სამკურნალო დიაგნოსტიკური ბრონქოსკოპია- ნაკლებად ინვაზიური მანიპულაციაა, რა დროსაც ექიმი ქვედა სასუნთქ გზებს ათვალიერებს, ბრონქებისა და ფილტვების სანაციას ატარებს და ბრონქიდან და ფილტვიდან ბიოფსიური მასალის აღებას ახერხებს. სამკურნალო დიაგნოსტიკური ბრონქოსკოპია სასუნთქი გზებიდან უცხო სხეულის ამოსაღებადაც ტარდება.

ენდოსკოპია 21-ე საუკუნის აღმოჩენებს შორის ღირსეულ ადგილს იკავებს და ქუთაისის ონკოლოგიის ცენტრიც ენდოსკოპიურ მედიცინასთან დაკავშირებულ ყველა საერთაშორისო, თანამედროვე (მეთოდოლოგიურსა თუ მაღალტექნოლოგიურ) მიგნებას იზიარებს.