ევექსი ჰოსპიტლები კოვიდ გადატანილ ყველა თანამშრომელს კოვიდის შემდგომ 5 სხვადასხვა სახის კვლევის პაკეტს სრულად უფინანსებს!
მსოფლიო გამოცდილებამ აჩვენა, რომ კორონავირუსი ადამიანის ორგანიზმზე კვალს ტოვებს და მისი გართულებების მართვა ჯანმრთელობის მდგომარეობის შენარჩუნებისთვის მნიშვნელოვანია.გართულებები განსაკუთრებით ხშირია რისკ-ჯგუფში შემავალი ადამიანებისთვის, რომელთაც აღენიშნებათ სხვადასხვა ქრონიკული დაავადებები.
თანამშრომელთა მხარდაჭერის ფარგლებში ევექსი ჰოსპიტლებმა შეიმუშავა პოსტ-კოვიდ გამოკვლევების პაკეტები კოვიდ გადატანილი პაციენტებისთვის :
- საბაზისო პაკეტი - მსუბუქი სიმპტომური/უსიმპტომო მიმდინარეობა თანმხლები დაავადებების გარეშე (პაკეტი განკუთვნილია კოვიდ გადატანილი, თუმცა არა- ჰოსპიტალიზებული თანამშრომლებისთვის )
- პაკეტი (A ; B; C; D ) - მსუბუქი/საშუალო/მძიმე სიმპტომური მიმდიონარეობა თანმხლები ქრონიკული დაავადებებით (პაკეტები განკუთვნილია ჰოსპიტალიზებული თანამშრომლებისთვის )
პაკეტები მოიცავს სხვადასხვა პროფილის ექიმის კონსულტაციას, 30-მდე ლაბორატორიულ და სადიაგნოსტიკო-ინსტრუმენტულ კვლევას.თქვენთვის განკუთვნილი პაკეტის შერჩევა მოხდება თერაპევტთან კონსულტაციის შედეგად.
საბაზისო პაკეტით სარგებლობა შეუძლია ყველა თანამშრომელს, რომელსაც გადატანილი აქვს კოვიდ ინფექცია. ხოლო კოვიდ ინფექციის დროს ჰოსპიტალიზებული თანამშრომლებისთვის თერაპევტის მიერ ინდივიდუალურად მოხდება დამატებითი, საჭირო პაკეტის შერჩევა. საბაზისო პაკეტში შემავალ გამოკვლევების ჩატარება შესაძლებელია ქსელის ყველა ჰოსპიტალში. A , B , C ან D პაკეტებით განსაზღვრული გამოკვლევების/პაკეტების მიღება შესაძლებელია ევექსი ჰოსპიტლების კოვიდის შემდგომი ჯანმრთელობის ცენტრებში, რომლებიც სპეციალურად პოსტ-კოვიდური გართულებების მართვისთვის თბილისში, ქუთაისსა და ბათუმში მოქმედებს:
- კავკასიის მედიცინის ცენტრი
- ივ. ბოკერიას სახელობის ჰოსპიტალი
- ქუთაისის რეფერალური ჰოსპიტალი
- ბათუმის რეფერალური ჰოსპიტალი
საბაზისო პაკეტი:
- თერაპევტის კონსულტაცია (ფუნქციონალური ტესტი-დატვირთვისას ჟანგბადის სატურაციის განსაზღვრა)
- სისხლის საერთო ანალიზი (CBC+Diff; ESR)
- C-რეაქტიულიცილის განსაზღვრა სისხლის შრატში
- კრეატინინის განსაზღვრა სისხლის შრატში
- ასპარტატამინოტრანსფერაზის განსაზღვრა სისხლში (AST)
- ალანინამინოტრანსფერაზის განსაზღვრა სისხლში (ALT)
- ფიბრინის დეგრადაციის პროდუქტების განსაზღვრა ( D დიმერი )
პაკეტი A: ფილტვის მსუბუქი-საშალო ქრონიკული დაავად. (არარეანიმაციული)
- თერაპევტის კონსულტაცია (ფუნქციონალური ტესტი-დატვირთვისას ჟანგბადის სატურაციის განსაზღვრა)
- სისხლის საერთო ანალიზი (CBC+Diff; ESR)
- ფიბრინის დეგრადაციის პროდუქტების განსაზღვრა ( D დიმერი )
- გულმკერდის ღრუს ორგანოების რენტგენოსკოპია
- ამოსუნთქვის მოცულობის სპირომეტრია
- პულსოქსიმეტრია სიარულისას
- გულის ულტრასონოგრაფია
პაკეტი B: ფილტვის მძიმე ქრონიკული დაავად. (პოსტრეანიმაციული)
- თერაპევტის კონსულტაცია (ფუნქციონალური ტესტი-დატვირთვისას ჟანგბადის სატურაციის განსაზღვრა)
- სისხლის საერთო ანალიზი (CBC+Diff; ESR)
- ფიბრინის დეგრადაციის პროდუქტების განსაზღვრა ( D დიმერი )
- გულმკერდის ღრუს ორგანოების რენტგენოსკოპია
- ამოსუნთქვის მოცულობის სპირომეტრია
- პულსოქსიმეტრია სიარულისას
- გულის ულტრასონოგრაფია
- პულმონოლოგის კონსულტაცია
- საჭიროების შემთხვევაში, მაღალი რეზოლუციის გულმკერდის კომპიუტერული ტომოგრაფია
- საჭიროების შემთხვევაში, კონტრასტის დამატებით
პაკეტი C: გულ-სისხლძარღვთა დაავადებები
- სისხლის საერთო ანალიზი (CBC+Diff; ESR)
- ფიბრინის დეგრადაციის პროდუქტების განსაზღვრა ( D დიმერი )
- გულმკერდის ღრუს ორგანოების რენტგენოსკოპია
- პულსოქსიმეტრია სიარულისას
- გულის ულტრასონოგრაფია
- ელექტროკარდიოგრაფია 12 სტანდარტულ განხრაში
- კარდიოლოგის კონსულტაცია
პაკეტი D: დიაბეტი
- სისხლის საერთო ანალიზი (CBC+Diff; ESR)
- შარდის საერთო ანალიზი
- კრეატინინის განსაზღვრა სისხლის შრატში
- ფიბრინის დეგრადაციის პროდუქტების განსაზღვრა ( D დიმერი )
- გლუკოზა ჭამამდე და ჭამის შემდეგ (ანალიზატორზე)
- გლიკირებული ჰემოგლობინის განსაზღვრა (HbA1c)
- შარდოვანას განსაზღვრა სისხლის შრატში
- ენდოკრინოლოგის კონსულტაცია
- თირეოტროპული ჰორმონის განსაზღვრა სისხლში (TSH)
გამოკვლევების მისაღებად აუცილებელია წინასწარ ჩაეწეროთ თერაპევტთან ვიზიტზე ჰოსპიტალში. ბავშვთა ჰოსპიტლების თანამშრომლებმა მომსახურების მისაღებად, გთხოვთ მიმართოთ ქსელის ჰოსპიტლებს გეოგრაფიული ხელმისაწვდომობის გათვალისწინებით.
თერაპევტთან კონსულტაციაზე წინასწარი ჩაწერისთვის, უნდა მიმართოთ ჰოსპიტლის რეგისტრატურას ან დარეკოთ ცხელ ხაზზე: 032 2 600 600
ასევე, ბენეფიტების პროგრამის ფარგლებში, ევექსი ჰოსპიტლები ქსელში დასაქმებულ თანამშრომლებს სთავაზობს უფასო ტესტირებას ანტისხეულებზე.
ანტისხეულებზე ტესტირება შესაძლებელია ქსელის ჰოსპიტლებში.მომსახურების მისაღებად გთხოვთ, მიმართოთ თერაპევტს.
ევექსი ჰოსპიტლები გისურვებთ ჯანმრთელობას!