მ. იაშვილის სახელობის ბავშვთა ცენტრალური საავადმყოფო

სამუშაო საათები:

ყოველ დღე: 24 საათი

გახსნის თარიღი:
 1965 წელი

საწოლფონდი: 266

თანამშრომლების რაოდენობა: 947

„მ. იაშვილის ბავშვთა ცენტრალური საავადმყოფო“ მულტიპროფილური პედიატრიული სამედიცინო დაწესებულებაა, სადაც სამედიცინო დახმარების აღმოჩენა 0-18 წლამდე ჰოსპიტალიზებული ნებისმიერი დიაგნოზის მქონე პაციენტისათვისაა შესაძლებელი. დღეისათვის შესაძლებელია ერთდროულად 310 პაციენტს გაეწიოს სამედიცინო მომსახურება. ჰოსპიტალს ევროპისა და ამერიკის წამყვან კლინიკებში აპრობირებული სტრატეგია გააჩნია, რომელიც სამი დონის სამედიცინო მომსახურების არსებობას ეფუძნება. პირველი - ამბულატორიული განყოფილება, სადაც შესაძლებელია ყველა სპეციალისტის ამბულატორიული კონსულტაციის მიღება, მეორე – ეს არის გადაუდებელი მედიცინის განყოფილება, რომელიც გათვლილია 18 საწოლზე, სადაც პაციენტებს ვთავაზობთ სამედიცინო მომსახურებას „ერთი დღის ჰოსპიტალის“ პრინციპით; მესამე - ეს არის კლინიკის სტაციონარული განყოფილება, რომელიც საქართველოში ყველაზე სრულყოფილ, მულტიპროფილურ სამედიცინო სერვისს უზრუნველყოფს. 
2015 წელს ჰოსპიტალში ბავშვთა კარდიოქირურგიული ცენტრი გაიხსნა, სადაც შესაძლებელია ნებისმიერი სირთულის კარდიოქირურგიული ოპერაციების ჩატარება.
მ. იაშვილის ბავშვთა საავადმყოფოში ხერხემლის სამკურნალო ცენტრიც ფუნქციონირებს, სადაც ყველა სირთულის დეფორმაციისა და პათოლოგიის როგორც ოპერაციული, ასევე კონსერვატიული მკურნალობა თანამედროვე მეთოდებითა და ტექნოლოგიებით ხორციელდება.

ხერხემალი ადამიანის საყრდენ-მამოძრავებელი სისტემის უმნიშვნელოვანეს ნაწილს წარმოადგენს, ის ორგანიზმის ზრდისა და განვითარების მანძილზე ფორმირდება, ჩამოყალიბება კი 22 წლის ასაკისთვის სრულდება

რაც უფრო პატარაა ბავშვის ასაკი, მით უფრო მდიდარია მისი ძვლოვანი ქსოვილი ხრტილოვანი ნივთიერებით.

ერთი წლის ბავშვის ხერხემლის მალების ძირითად მასას ხრტილოვანი ნივთიერება შეადგენს.

მოგვიანებით, თინეიჯერობისას, ძვლოვანი წერტილები ფირფიტების სახით ჩნდება,
ხოლო შემდეგ 20 წლიდან მალები გაძვალებას განიცდის.

სწორედ თითოეული აღნიშნული თავისებურებაა გასათვალისწინებელი ბავშვთა ასაკში ხერხემლის პათოლოგიების პროფილაქტიკისა და მკურნალობის დროს.

მ. იაშვილის სახელობის ბავშვთა საავადმყოფოში მკურნალობენ ბავშვთა ასაკში ხერხემლის ფართოდ გავრცელებულ პათოლოგიებს, მათ შორის:
  • სქოლიოზი - იდიოპათიური, თანდაყოლილი, პოსტ-ტრავმული ნეიროფიბრომატული, ნეირომუსკულარული, სპინალური ამიოტროფიით, დუშენის დაავადებით გამოწვეული;
  • კიფოზი;
  • არამდგრადი ხერხემლის მკურნალობა;
  • მალთაშუა დისკის თიაქრის მკურნალობა;
  • კუდუსუნის დეფორმაციები, მათ შორის პოსტტრავმული;
  • კისერმრუდობა;
  • ნეკნოვანი კუზი


მ. იაშვილის სახელობის ბავშვთა ცენტრალური საავადმყოფო. თბილისი, ლუბლიანას ქ 13/6

მიმართულების ნახვა