მ. იაშვილის სახელობის ბავშვთა ცენტრალური საავადმყოფო

სამუშაო საათები:

ყოველ დღე: 24 საათი

გახსნის თარიღი: 1965 წელი

საწოლფონდი: 266

თანამშრომლების რაოდენობა: 947

„მ. იაშვილის ბავშვთა ცენტრალური საავადმყოფო“ მულტიპროფილური პედიატრიული სამედიცინო დაწესებულებაა, სადაც სამედიცინო დახმარების აღმოჩენა 0-18 წლამდე ჰოსპიტალიზებული ნებისმიერი დიაგნოზის მქონე პაციენტისათვისაა შესაძლებელი. დღეისათვის შესაძლებელია ერთდროულად 310 პაციენტს გაეწიოს სამედიცინო მომსახურება. ჰოსპიტალს ევროპისა და ამერიკის წამყვან კლინიკებში აპრობირებული სტრატეგია გააჩნია, რომელიც სამი დონის სამედიცინო მომსახურების არსებობას ეფუძნება. პირველი - ამბულატორიული განყოფილება, სადაც შესაძლებელია ყველა სპეციალისტის ამბულატორიული კონსულტაციის მიღება, მეორე – ეს არის გადაუდებელი მედიცინის განყოფილება, რომელიც გათვლილია 18 საწოლზე, სადაც პაციენტებს ვთავაზობთ სამედიცინო მომსახურებას „ერთი დღის ჰოსპიტალის“ პრინციპით; მესამე - ეს არის კლინიკის სტაციონარული განყოფილება, რომელიც საქართველოში ყველაზე სრულყოფილ, მულტიპროფილურ სამედიცინო სერვისს უზრუნველყოფს.
2015 წელს ჰოსპიტალში ბავშვთა კარდიოქირურგიული ცენტრი გაიხსნა, სადაც შესაძლებელია ნებისმიერი სირთულის კარდიოქირურგიული ოპერაციების ჩატარება.

მ. იაშვილის სახელობის ბავშვთა ცენტრალური საავადმყოფო

უკან დაბრუნება

ჰემატოლოგია

ჰემატოლოგია

მ. იაშვილის სახელობის ბავშვთა საავადმყოფოს ონკო-ჰემატოლოგიურ დეპარტამენტში მწავე ლეიკემიის დიაგნოსტიკის სრული პაკეტი მოქმედებს.

1995 წლიდან დღემდე მკურნალობა ევროპაში აღიარებული BFM პროტოკოლის სრული დაცვით ტარდება, რამაც პაციენტთა 70%-ის სრული გაჯანსაღების შესაძლებლობა გააჩინა.

კვლევები მოიცავს:

ძვლის ტვინის ფუნქცია და ტრეპანობიოფსია
ბლასტური უჯრედების იმუნოფენოტიპირება (უახლესი თაობის გამდინარე ციტომეტრით)
ციტომორფოლოგიური და ციტოქიმიური კვლევები
მოლეკულური-გენეტიკური კვლევა (PCR-მეთოდით)
მინიმალური რეზიდუალური დაავადების დეტექცია (MRD)

ლეიკემიით დაავადებული ყველა პაციენტი 2 წლიანი უფასო დისპანსერული მკურნალობით ( დაცვითი თერაპიით) უზრუნველყოფილია

ჰოსპიტალი აგრეთვე არაონკოლოგიურ ჰემატოლოგიურ ნოზოლოგიებსაც მკურნალობს, მათ შორისაა:

ყველა სახის შეძენილი ანემიები
ყველა სახის თანდაყოლილი ანემიები (თალასემია, მიკროსფეროციტოზი, G6PD, პირუვატ-კინაზის დეფიციტი და ა.შ)
თრომბოციტოპენიური პურპურების ყველა ქვეტიპი
თანდაყოლილი და შეძენილი აპლასტიური ანემიები.
კოაგულოპათიები
მიელოდისპლაზიური სინდრომები
ძვლის ტვინის ტრანსპლანტაციის შემდგომ განვითარებული GVHD-ის მწვავე და ქრონიკული ფორმები