მ. იაშვილის სახელობის ბავშვთა ცენტრალური საავადმყოფო

სამუშაო საათები:

ყოველ დღე: 24 საათი

გახსნის თარიღი: 1965 წელი

საწოლფონდი: 266

თანამშრომლების რაოდენობა: 947

„მ. იაშვილის ბავშვთა ცენტრალური საავადმყოფო“ მულტიპროფილური პედიატრიული სამედიცინო დაწესებულებაა, სადაც სამედიცინო დახმარების აღმოჩენა 0-18 წლამდე ჰოსპიტალიზებული ნებისმიერი დიაგნოზის მქონე პაციენტისათვისაა შესაძლებელი. დღეისათვის შესაძლებელია ერთდროულად 310 პაციენტს გაეწიოს სამედიცინო მომსახურება. ჰოსპიტალს ევროპისა და ამერიკის წამყვან კლინიკებში აპრობირებული სტრატეგია გააჩნია, რომელიც სამი დონის სამედიცინო მომსახურების არსებობას ეფუძნება. პირველი - ამბულატორიული განყოფილება, სადაც შესაძლებელია ყველა სპეციალისტის ამბულატორიული კონსულტაციის მიღება, მეორე – ეს არის გადაუდებელი მედიცინის განყოფილება, რომელიც გათვლილია 18 საწოლზე, სადაც პაციენტებს ვთავაზობთ სამედიცინო მომსახურებას „ერთი დღის ჰოსპიტალის“ პრინციპით; მესამე - ეს არის კლინიკის სტაციონარული განყოფილება, რომელიც საქართველოში ყველაზე სრულყოფილ, მულტიპროფილურ სამედიცინო სერვისს უზრუნველყოფს.
2015 წელს ჰოსპიტალში ბავშვთა კარდიოქირურგიული ცენტრი გაიხსნა, სადაც შესაძლებელია ნებისმიერი სირთულის კარდიოქირურგიული ოპერაციების ჩატარება.

მ. იაშვილის სახელობის ბავშვთა ცენტრალური საავადმყოფო

უკან დაბრუნება

დერმატოლოგია

დერმატოლოგია

მ. იაშვილის სახელობის ბავშვთა ჰოსპიტლის დერმატოლოგიური დეპარტამენტი პაციენტების კანის, ლორწოვანი გარსების, თმისა და ფრჩხილების პათოლოგიების მკურნალობაზე ზრუნავს, რისთვისაც სხვადასხვა დაავადების მიკროსკოპულ დიაგნოსტირებასა და თანამედროვე მეთოდოლოგიას მიმართავს.  

ჰოსპიტალში ტარდება როგორც კანის ქირურგიის, ასევე კოსმეტოლოგიური მიმართულების პროცედურები.  

აღსანიშნავია, რომ კანის დაავადების გამომწვევი მიზეზი შესაძლოა არამხოლოდ დერმატოლოგიური, არამედ სხვადასხვა სისტემის დაავადება აღმოჩნდეს. სწორედ კომპლექსური ჩართულობისთვის მ. იაშვილის სახელობის ბავშვთა ჰოსპიტლის მრავალპროფილური გუნდი პაციენტისთვის ყველა ტიპის დიაგნოსტიკური მომსახურებისა და სრულყოფილი მკურნალობის ჩატარების საშუალებას იძლევა. 

დეპარტამენტში ისეთი დაავადებების დიაგნოსტირება და მკურნალობა ხორციელდება, როგორებიცაა:  

კანის ბაქტერიული , ვირუსული და სოკოვანი ინფექციები  
დერმატოზოონოზები 
ცხიმოვანი და საოფლე ჯირკვლების დაავადებები 
ვულგარული და ვარდისფერი აკნე   
პერიორალური დერმატიტი  
ქავანა დერმატოზები  
ვარდისფერი პიტირიაზი 
კანის არაინფექციური ანთებითი დაავადებები 
თმის ზრდის და ცვენის პრობლემები 
ფსორიაზი 
იქთიოზი 
კანის პიგმენტაციის დარღვევები 
ახალშობილთა კანის დაავადებები

დერმატოლოგია მჭიდროდაა დაკავშირებული ენდოკრინოლოგიასთან, ალერგოლოგიასთან და რიგ სხვა სამედიცინო დისციპლინებთან. კანი, ანუ ეპითელიუმი, ადამიანის ორგანიზმის ყველაზე დიდი, რთული და საოცარი ორგანოა, რომელსაც მთელი ორგანიზმისთვის მნიშვნელოვანი ფუნქციები აკისრია. კანის, თმის ან ფრჩხილების ნებისმიერი ტიპის პრობლემის გაჩენისას, აუცილებელია ექიმ დერმატოლოგთან ვიზიტი.

მ.იაშვილის კლინიკაში პაციენტების კონსულტაციაზე გამოცდილი ექიმი დერმატოლოგი ქალბატონი ქეთევან მიქელაძე ზრუნავს, რომელიც კონკრეტულად ინდივიდუალურად მორგებულ მკურნალობას შეიმუშავებს, რაც თავის მხრივ გამოჯანმრთელების ერთ-ერთი ყველაზე მნიშვნელოვანი ფაქტორია.

მ. იაშვილის სახელობის ბავშვთა ჰოსპიტლის დერმატოლოგიის კაბინეტი ექიმთა გუნდს წარმოადგენს, რომელიც რამდენიმე ათეული წლის გამოცდილებითა და უახლესი გაიდლაინებით ხელმძღვანელობს. 