მ. იაშვილის სახელობის ბავშვთა ცენტრალური საავადმყოფო

სამუშაო საათები:

ყოველ დღე: 24 საათი

გახსნის თარიღი:
 1965 წელი

საწოლფონდი: 266

თანამშრომლების რაოდენობა: 947

„მ. იაშვილის ბავშვთა ცენტრალური საავადმყოფო“ მულტიპროფილური პედიატრიული სამედიცინო დაწესებულებაა, სადაც სამედიცინო დახმარების აღმოჩენა 0-18 წლამდე ჰოსპიტალიზებული ნებისმიერი დიაგნოზის მქონე პაციენტისათვისაა შესაძლებელი. დღეისათვის შესაძლებელია ერთდროულად 310 პაციენტს გაეწიოს სამედიცინო მომსახურება. ჰოსპიტალს ევროპისა და ამერიკის წამყვან კლინიკებში აპრობირებული სტრატეგია გააჩნია, რომელიც სამი დონის სამედიცინო მომსახურების არსებობას ეფუძნება. პირველი - ამბულატორიული განყოფილება, სადაც შესაძლებელია ყველა სპეციალისტის ამბულატორიული კონსულტაციის მიღება, მეორე – ეს არის გადაუდებელი მედიცინის განყოფილება, რომელიც გათვლილია 18 საწოლზე, სადაც პაციენტებს ვთავაზობთ სამედიცინო მომსახურებას „ერთი დღის ჰოსპიტალის“ პრინციპით; მესამე - ეს არის კლინიკის სტაციონარული განყოფილება, რომელიც საქართველოში ყველაზე სრულყოფილ, მულტიპროფილურ სამედიცინო სერვისს უზრუნველყოფს. 
2015 წელს ჰოსპიტალში ბავშვთა კარდიოქირურგიული ცენტრი გაიხსნა, სადაც შესაძლებელია ნებისმიერი სირთულის კარდიოქირურგიული ოპერაციების ჩატარება.
მ. იაშვილის სახელობის ბავშვთა საავადმყოფოს ალერგოლოგიული ცენტრი პაციენტების გამოკვლევასა და მკურნალობას ალერგიულ დაავადებათა სრული სპექტრის მიხედვით უზრუნველყოფს, იქნება ეს:

  • ბრონქული ასთმა
  • ატოპური დერმატიტი
  • ალერგიული რინიტი
  • მედიკამენტური და საკვებისმიერი ალერგია
  • ჭინჭრის ცხელება თუ სხვა.

ჰოსპიტლის ალერგოლოგიის დეპარტამენტი მომსახურების სრულ სპექტრს მოიცავს და პაციენტებს ექიმის კონსულტაციას, დიაგნოსტიკას, ალერგენებზე სინჯების ჩატარებას, სისტემუ დესენსიტიზაციასა და მასთან ასოცირებულ სერვისებს სთავაზობს.  
ადრეულ ასაკში ყველაზე ხშირია კვებითი ალერგია. კვებითი ალერგენებია:   

  • რძე და რძის პროდუქტები  
  • კვერცხი 
  • ზღვის პროდუქტები  
  • თხილეული -  არაქისი, თხილი, კაკალი, ნუში.  
  • სოია 
  • ხორბალი  
  • ბოსტნეული: ისპანახი, პომიდორი, ოხრახუში, ნიახური, ხახვი, ნიორი და სხვა. 
  • ხილი: მარწყვი, ჟოლო, ატამი, გარგარი, ბალი, ციტრუსები და სხვა. 

 ალერგია კი ზემოთ ჩამოთვლილი სხვადასხვა დაავადების სახით ვლინდება. არსებობს ზოგადი რეკომენდაციები, რომელთა გათვალისწინებაც მშობლებს შეუძლიათ.  

  • თუ ბავშვს აქვს ალერგია მტვრის ტკიპაზე მტვრის მოსაცილებლად საუკეთესო გზაა სახლის სველი წესით დალაგება და განიავება, საყოფაცხოვრებო ნივთების, ტანსაცმლის გაწმენდა მტვრის უხილავი ნაწილაკებისგან.  
  • რბილი სათამაშოები, ხალიჩა, ფარდები მტვერს იბუდებს, ამიტომ ხშირად უნდა გაირეცხოს. ბავშვის საწოლი ოთახი შეძლებისდაგვარად უნდა გათავისუფლდეს ხალიჩების, რბილი ხაოიანი გადასაფარებლებისა, ფარდებისა და წიგნებისგან. 
  • ფუტკრის, ან კრაზანის შხამისადმი ალერგიულებმა არ უნდა იარონ ფეხშიშველმა ბალახზე, არ ჩაიცვათ კაშკაშა ფერის, ყვავილებით მოჩითული ტანსაცმელი.  
  • ცხოველებზე დადასტურებული ალერგიის დროს  

ბავშვი უნდა მოარიდონ ზოოპარკში, ცხოველების მაღაზიებში და გამოფენაზე სიარულს, სასურველია, იშვიათად ესტუმრონ იმ ოჯახებს, სადაც ცხოველები ჰყავთ. 

  • თუ ბავშვს ოდესმე რომელიმე წამალზე ჰქონია რეაქცია, მშობელმა უნდა აცნობოს ექიმს, წამლის განმეორებით დოზაზე შემდგომი ალერგიული რეაქცია პირველზე უფრო ძლიერი და სიცოცხლისათვის საშიშიც კი შეიძლება აღმოჩნდეს!  
  • მცენარის მტვერზე  ალერგიის დროს ბავშვი უნდა მოერიდოს მცენარეებთან კონტაქტს. 
  • კვებითი ალერგიის დროს ალერგიული საკვები უნდა ამოღებული იყოს რაციონიდან. 


ჰოსპიტლის დერმატოლოგიის კაბინეტი ექიმთა გუნდს წარმოადგენს, რომელიც უახლესი გაიდლაინებით ხელმძღვანელობს და წლების გამოცდილებაზე დაფუძნებულ მკურნალობის მეთოდებს იყენებს.


კლინიკის ექიმები

ნახეთ ვრცლად

ნინო სოლომონია

ჩვილ ბავშვთა და ახალშობილთა კრიტიკული მედიცინის განყოფილების უფროსი

მ. იაშვილის სახელობის ბავშვთა ცენტრალური საავადმყოფო. თბილისი, ლუბლიანას ქ 13/6

ნახეთ ვრცლად

მაკა თევზაძე

ანესთეზიისა და კრიტიკული მედიცინის (PICU) განყოფილების უფროსი

მ. იაშვილის სახელობის ბავშვთა ცენტრალური საავადმყოფო. თბილისი, ლუბლიანას ქ 13/6

ნახეთ ვრცლად

თეონა შათირიშვილი

ექიმი ნევროლოგი

მ. იაშვილის სახელობის ბავშვთა ცენტრალური საავადმყოფო. თბილისი, ლუბლიანას ქ 13/6

მ. იაშვილის სახელობის ბავშვთა ცენტრალური საავადმყოფო. თბილისი, ლუბლიანას ქ 13/6

მიმართულების ნახვა