მ. იაშვილის სახელობის ბათუმის დედათა და ბავშვთა ცენტრალური ჰოსპიტალი

სამუშაო საათები:

ყოველ დღე: 24 საათი

გახსნის თარიღი:
 1961 წ

საწოლფონდი: 176

თანამშრომლების რაოდენობა: 547

„მ.იაშვილის სახელობის ბათუმის დედათა და ბავშთა ცენტრალური ჰოსპიტალი“ დასავლეთ საქართველოში ერთადერთი მულტიპროფილური სამედიცინო დაწესებულებაა, სადაც შესაძლებელია როგორც დედების, ისე ყველა ასაკის ბავშვთა სამედიცინო გამოკვლევა და სტაციონარული მკურნალობა. 

ცენტრის სამეანო-გინეკოლოგიური სამსახური დაჯილდოებულია ამერიკის საერთაშორიოსო განვითარების სააგენტოს USAID/JSI-ის მიერ ეფექტური პერინატალური მოვლის პროგრამის წარმატებულად განხორციელებისათვის. სამეანო–გინეკოლოგიურ დეპარტამენტში ასევე ფუნქციონირებს მშობელთა სკოლა, რომელიც მომავალ მშობლებს ოჯახის დაგეგმვის, მშობიარობის სწორად წარმართვისა და ახალშობილის მოვლის უნარებს უვითარებს. აღნიშნული პროექტი ამერიკის საერთაშორიოსო განვითარების სააგენტოს (USAID) მხარდაჭერით ხორციელდება.
მ. იაშვილის სახელობის ბათუმის დედათა და ბავშვთა ცენტრალური ჰოსპიტლის პედიატრიულ განყოფილებაში ბავშვთა ინფექციური დაავადებების მკურნალობას სათანადო სივრცე ეთმობა.

ინფექციურ პროცესი მინიმუმ ორი აგენტის - ადამიანისა და დაავადების გამომწვევი მიკრობის შეხვედრისას იღებს სათავეს. რაც ბავშვთა ასაკში საკმაოდ ხშირი მოვლენაა და დაავადებების ისტორიაშიც წამყვანი ადგილი ინფექციურ პათოლოგიებს უჭირავს.

უმეტესად ბავშვებში ბაქტერიული თუ ვირუსული ნაწლავური ინფექციები გვხვდება, აგრეთვე ვაწყდებით რესპრირატორულ ვირუსულ ინფექციებსა და შედარებით ნაკლები ინტენსივობით - გამონაყარით მიმდინარე ინფექციურ დაავადებებსაც (რომელთაც წითელას, წითურას, ყბაყურას, ჩუტყვავილის სახელით ვიცნობთ).

მ. იაშვილის სახელობის ბათუმის დედათა და ბავშვთა ცენტრალური ჰოსპიტლის პედიატრიულ განყოფილებაში ვიზიტი მაშინ უნდა დაიგეგმოს, თუ ბავშვს რესპირატორული ვირუსული ინფექციის სიმპტომები აღენიშნება, როგორებიცაა:

  • სურდო ან გაჭედილი ცხვირი
  • ცემინება
  • ხველა
  • სიცხე
  • ყელის ტკივილი
  • თვალების სიწითლე

ზაფხულობით როგორც წესი განსაკუთრებით აქტუალური ხდება კუჭ-ნაწლავის სისტემის დაავადებები, რომლებიც უმეტესად დიარეით (ფაღარათით) ვლინდება. დიარეა ბავშვთა ასაკის ერთერთი ყველაზე გავრცელებული პათოლოგიაა და არცთუ უსაფრთხო განსაკუთრებით მცირე ასაკის ბავშვთათვის. ამ შემთხვევაში პრობლემა ვირუსულ ნაწლავურ ინფექციას შეიძლება დავუკავშიროთ და ჰოსპიტალს მივმართოთ.

რაც შეეხება გამონაყარით მიმდინარე ინფექციურ დაავადებებს სკოლამდელი და სასკოლო ასაკის პერიოდებში უხშირესად გვხვდება სპეციფიკური გამონაყარითა და კლინიკური სურათით მიმდინარე შემთხვევები, რომელთა იდენტიფიცირებაც იოლი და მართვაც კომპეტენტური მეთვალყურეობის ქვეშ მარტივია.








მ. იაშვილის სახელობის ბათუმის დედათა და ბავშვთა ცენტრალური ჰოსპიტალი. ბათუმი, აეროპორტის გზატკეცილი, 64

მიმართულების ნახვა