მ. იაშვილის სახელობის ბათუმის დედათა და ბავშვთა ცენტრალური ჰოსპიტალი

სამუშაო საათები:

ყოველ დღე: 24 საათი

გახსნის თარიღი:
 1961 წ

საწოლფონდი: 176

თანამშრომლების რაოდენობა: 547

„მ.იაშვილის სახელობის ბათუმის დედათა და ბავშთა ცენტრალური ჰოსპიტალი“ დასავლეთ საქართველოში ერთადერთი მულტიპროფილური სამედიცინო დაწესებულებაა, სადაც შესაძლებელია როგორც დედების, ისე ყველა ასაკის ბავშვთა სამედიცინო გამოკვლევა და სტაციონარული მკურნალობა. 

ცენტრის სამეანო-გინეკოლოგიური სამსახური დაჯილდოებულია ამერიკის საერთაშორიოსო განვითარების სააგენტოს USAID/JSI-ის მიერ ეფექტური პერინატალური მოვლის პროგრამის წარმატებულად განხორციელებისათვის. სამეანო–გინეკოლოგიურ დეპარტამენტში ასევე ფუნქციონირებს მშობელთა სკოლა, რომელიც მომავალ მშობლებს ოჯახის დაგეგმვის, მშობიარობის სწორად წარმართვისა და ახალშობილის მოვლის უნარებს უვითარებს. აღნიშნული პროექტი ამერიკის საერთაშორიოსო განვითარების სააგენტოს (USAID) მხარდაჭერით ხორციელდება.

მ. იაშვილის სახელობის ბათუმის დედათა და ბავშვთა ცენტრალურ ჰოსპიტალში, საშვილოსნოს ყელის პათოლოგიის დიაგნოსტიკისა და მკურნალობის კაბინეტი ფუნქციონირებს, სადაც კოლპოსკოპიაში უახლესი მიდგომებით დიაგნოსტიკა - აპარატით ,,DYSIS” ხორციელდება.

აღნიშნულ თანამედროვე აპარატს უნიკალური შესაძლებლობა აქვს, სკანირებით, ავტომატურად აღმოაჩინოს საშვილოსნოს ყელის დაზიანებული უბანი. ეს კი თავის მხრივ საშუალებას იძლევა, მაქსიმალური სიზუსტით მოხდეს პათოლოგიური კერის ინტერპრეტაცია და საჭიროების შემთხვევაში ჩატარდეს დამიზნებითი ბიოფსია.

საშვილოსნოს ყელის პათოლოგიის დიაგნოსტიკისა და მკურნალობის კაბინეტში აგრეთვე საშვილოსნოს ყელის კიბოს სკრინინგ პროგრამაც ხორციელდება, რაც 25-დან 60 წლის ჩათვლით ქალებისთვის გინეკოლოგის კონსულტაციას და პაპ–ტესტს, ასევე პათოლოგიის გამოვლენის შემთხვევაში კოლპოსკოპიასა და მორფოლოგიური კვლევისთვის ბიოფსიური მასალის აღებას ითვალისწინებს.


მ. იაშვილის სახელობის ბათუმის დედათა და ბავშვთა ცენტრალური ჰოსპიტალი. ბათუმი, აეროპორტის გზატკეცილი, 64

მიმართულების ნახვა