თამთა ყველიაშვილი

ივ. ბოკერიას სახელობის საუნივერსიტეტო ჰოსპიტალს ულტრაბგერითი მიმართულების ახალი კოორდინატორი, დიდი გამოცდილების მქონე ექიმი-რადიოლოგი, თამთა ყველიაშვილი, შემოუერთდა.

თამთას კვალიფიაციაზე მიუთითებს მისი 10 წლიანი სამუშაო გამოცდილება სხვადასხვა კლინიკაში, ასევე მისი ევროპული გამოცდილება ისეთ ქვეყნებში როგორიცაა - პოლონეთი, უკრაინა და სხვა.

ამას გარდა, თამთა არის ევროპის რადიოლოგიის ასოციაციისა (ECR) და ულტრაბგერის საერთაშორისო საზოგადოების წევრი სამეანო-გინეკოლოგიაში (ISUOG). თბილისის სახელმწიფო სამედიცინო უნივერსიტეტის დოქტორანტი. ასევე აქტიურად არის ჩართული აკადემიურ და სამეცნიერო საქმიანობაში - მონაწილეობა აქვს მიღებული ათამდე საერთაშორისო კონფერენციასა და კონგრესში.

თამთას სპეციალიზაცია მოიცავს მრავალი ტიპის ულტრასონოგრაფიას, კერძოდ:  

• რბილი ქსოვილების;
• სარძევე ჯირკვლის;
• ფარისებრი ჯირკვლის;
• მუცლის ღრუს;
• საშარდე სისტემის;
• მაგისტრალური და ზედაპირული სისხლძარღვების დუპლექსკანირებას;
• სამეანო (I, II, III ტრიმესტრი)
• მცირე მენჯის ღრუს საშვილოსნოსა და პარამეტრიუმს როგორც ტრანსაბდომინალური მიდგომით, ისე ტრანსვაგინალური მიდგომით;