23 ივნისი, 2022

თელავის რეფერალური ჰოსპიტლის ნეფროლოგიური სამსახური

თელავის რეფერალური ჰოსპიტლის ნეფროლოგიური სამსახური

თელავის რეფერალური ჰოსპიტალი 15 წლიდან ზევით პაციენტებს თირკმლის პათოლოგიების დიაგნოსტიკასა და მართვას სთავაზობს. დიაგნოსტიკისთვის ჰოსპიტალში გამოიყენება ისეთი კვლევები, როგორიცაა:

  • ულტრასონოგრაფია;
  • ექსკრეტორული უროგრაფია (იოდის შემცველი საკონტრასტო ნივთიერების ინტრავენური შეყვანის შემდეგ, თირკმლების, შარდსაწვეთებისა და შარდის ბუშტის რენტგენოგრაფია);
  • კომპიუტერული ტომოგრაფია კონტრასტით და მის გარეშე;
  • ლაბორატორიული კვლევები.

განყოფილებაში ხორციელდება შემდეგი პათოლოგიების მართვა:

  • თირკმლის შარდ-კენჭოვანი დაავადებები;
  • მწვავე ტუბულო-ინტერსტიციული ნეფრიტი (თირკმლის მილაკებისა და მიმდებარე ქსოვილის ანთება);
  • დიაბეტური ნეფროპათია;
  • პოდაგრული ნეფროპათია;
  • თირკმლის მწვავე უკმარისობა და ქრონიკული დაავადებები;

 

კლინიკაში მკურნალობა თანამედროვე გაიდლაინებისა და პროტოკოლების მიხედვით ხორციელდება.  თირკმლის ქრონიკული პათოლოგიების დროს გამოიყენება ჩანაცვლებითი თერაპია - ჰემოდიალიზი.

აღსანიშნავია, პაციენტის მართვაში მულტიპროფილური გუნდის ჩართულობა. პროცესში ნეფროლოგთან ერთად საჭიროებისამებრ ერთვებიან: რეანიმატოლოგი, თერაპევტი, უროლოგი, რადიოლოგი, გადაუდებელი მედიცინის ექიმი, ზოგადი ქირურგი და ანგიოქირურგი.

თელავის რეფერალური ჰოსპიტლის ნეფროლოგიური სამსახურის ხელმძღვანელი ნეფროლოგი, დარინე მაჭავარიანია, რომელიც ხშირად ესწრება საერთაშორისო კონფერენციებს და ნერგავს მკურნალობის თანამედროვე მეთოდებს.