ი. ციციშვილის სახელობის ბავშვთა კლინიკა 0-დან 18 წლამდე ასაკის პაციენტებს კუჭ-ნაწლავის ტრაქტის პათოლოგიების დიაგნოსტიკასა და მართვას სთავაზობს. დიაგნოსტიკისათვის ჰოსპიტალში გამოიყენება ისეთი მაღალტექნოლოგიური კვლევები, როგორიცაა:
- ულტრასონოგრაფია;
- ეზოფაგოგასტროდუოდენოსკოპია;
- კოლონოსკოპია (მსხვილი ნაწლავის კვლევა);
- რექტოსკოპია (სწორი ნაწლავის გამოკვლევა);
- რენტგენოლოგიური კვლევა კონტრასტის გარეშე და კონტრასტით (ორალური, რექტალური კონტრასტირება);
- ლაბორატორიული ტესტირება: კლინიკური, ბიოქიმიური და სეროლოგიური კვლევები (მათ შორის H.pyloris-ს დიაგნოსტიკა).
ჰოსპიტალში ხორციელდება კუჭ-ნაწლავის ტრაქტის შემდეგი ფუნქციური და ორგანული პათოლოგიების მართვა:
- საყლაპავის პათოლოგიები (გასტროეზოფაგური რეფლუქსი, ეზოფაგიტი);
- კუჭისა და თორმეტგოჯა ნაწლავის პათოლოგიები (პეპტიური წყლული, გასტრიტი, დუოდენიტი ა.შ);
- წვრილი ნაწლავის პათოლოგიები (ენტერიტები);
- მსხვილი ნაწლავის პათოლოგიები (კრონის დაავადება, არასპეციფიკური წყლულოვანი კოლიტი, ყაბზობა, გაღიზიანებული ნაწლავის სინდრომი);
- სწორი ნაწლავის დაავადებები;
- ღვიძლის, ნაღვლის ბუშტისა და პანკრეასის (კუჭქვეშა ჯირკვალი) დაავადებები;
- კუჭ-ნაწლავის ტრაქტის დაზიანებით მიმდინარე სისტემური, ქრონიკული და მეტაბოლური დაავადებები (მაგ., ცელიაკია, ცისტური ფიბროზი);
- მალაბსობციით მიმდინარე (მონელებისა და შეწოვის დარღვევა) დაავადებები;
- კვებითი დეფიციტი, ცილა-ენერგეტიკული დეფიციტით გამოწვეული ზრდა-განვითარებაში ჩამორჩენა.
კლინიკაში მკურნალობა თანამედროვე გაიდლაინებისა და პროტოკოლების მიხედვით ხორციელდება. აღსანიშნავია, პაციენტების მართვაში მულტიპროფილური გუნდის ჩართულობა - გასტროენტეროლოგის, ქირურგის, ნეფროლოგის, ენდოკრინოლოგის, პედიატრისა და ნეონატოლოგის სახით.
ი. ციციშვილის სახელობის ბავშვთა კლინიკაში გასტროენტეროლოგიურ მიმართულებას ხელმძღვანელობს პედიატრი, ბავშვთა გასტროენტეროლოგი და საერთაშორისო კლინიკური კვლევების მკვლევარი, მედიცინის დოქტორი, ციცინო ფარულავა.