ზუგდიდის რეფერალური ჰოსპიტლის ყელ-ყურ-ცხვირის ქირურგიული სამსახური პაციენტებს ყელისა და ცხვირის ღრუს პათოლოგიების თანამედროვე და მაღალტექნოლოგიურ ოპერაციულ მკურნალობას სთავაზობს.
განყოფილებაში ხორციელდება შემდეგი სახის ქირურგიული მკურნალობა:
- ტონზილიტის (ნუშურა ჯირკვლების ანთება) დროს ტონზილექტომია. ოპერაცია ტარდება რამდენიმე მეთოდით: 1. რადიოტალღური (ნაკლებად სისხლიანი და დამზოგველი მეთოდი); 2. ლაზერის გამოყენებით; 3. კობლაციის მეთოდით - წარმოადგენს თანამედროვე მიდგომას, რომლის დროსაც ოპერაცია ხორციელდება ცივი პლაზმის გამოყენებით. კობლაცია რიგი უპირატესობებით სარგებლობს, პირველ რიგში, იგი წარმოადგენს უსისხლო ოპერაციას, ხოლო, პოსტოპერაციული ტკივილი და სისხლდენის განვითარების რისკი მინიმუმამდეა დაყვანილი;
- სეპტოპლასტიკა - ცხვირის ძგიდის პლასტიკური აღდგენა;
- ტურბინოპლასტიკა - ტარდება ცხვირის ნიჟარების ჰიპერტროფიის (ზომისა და მოცულობის მატება) დროს, ლაზერით და ლაზერის გარეშე;
- პოლიპოტომია - პოლიპების ამოკვეთა როგორც ენდოსკოპიურად, ისე ღია წესით;
- ჰაიმოროტომია - ტარდება ზედა სასუნთქი გზების ლორწოვანი გარსის ანთების დროს, როგორც ენდოსკოპიური მეთოდით, ისე ღია წესით;
- რინოპლასტიკა - ცხვირის პლასტიკური ოპერაცია.
ზუგდიდის რეფერალური ჰოსპიტლის ოტორინოლარინგოლოგიური სამსახური დაკომპლექტებულია მაღალკვალიფიციური და გამოცდილი პერსონალით. ოპერაციულ მკურნალობას კი ოტორინოლარინგოლოგი, ლევან ხაჟალია ახორციელებს.