თელავის რეფერალური ჰოსპიტლის ონკოლოგიური განყოფილება პაციენტებს ყველა ონკოლოგიური დაავადებების დიაგნოსტირებას, მკურნალობასა და მის შემდგომ გართულებების სტაციონარულ მართვას სთავაზობს. გარდა ადგილობრივი მაღალკვალიფიციური გუნდისა, პროცესში ერთვება კლინიკური ონკოლოგი, ივანე კილაძე.
დეპარტამენტში გამოიყენება შემდეგი სადიაგნოსტიკო მეთოდები:
-
ლაბორატორიული კვლევები, სისხლში ონკომარკერების განსაზღვრა;
-
კუჭ-ნაწლავის სიმსივნური მარკერი;
-
საკვერცხის ონკომარკერი;
-
ზოგადი ონკომარკერი;
-
ძუძუს ონკომარკერი;
-
პროსტატის სპეციფიკური ანტიგენის მარკერი (PCA) და სხვა.
-
ინსტრუმენტული კვლევები: ექოსკოპია, რენტგენოსკოპია, კომპიუტერული ტომოგრაფია და სხვა.
მკურნალობა საერთაშორისო გაიდლაინებისა და პროტოკოლების მიხედვით ხორციელდება და მოიცავს:
-
ქიმიოთერაპიას - სათანადო პრე (მომზადება ქიმიოთერაპიის წინ) და პოსტ (მეთვალყურეობა ქიმიოთერაპიის შემდგომ) მედიკაციით;
-
ჰორმონოთერაპიას - ტაბლეტირებული და კანქვეშა ინექციების სახით;
-
ტარგეტულ (სამიზნე) თერაპიას.
აღსანიშნავია სწრაფი და მარტივად ხელმისაწვდომი ჯანდაცვის სერვისები. ჰოსპიტალში მოქმედებს როგორც საყოველთაო თანადაფინანსება, ასევე კერძო დაზღვევები და პროგრამები, რომლებიც მოიცავს შესაბამისი ნოზოლოგიის მქონე პაციენტების უფასო მკურნალობას მაღალი დონის მედიკამენტებით.
თელავის რეფერალურ ჰოსპიტალში წარმატებით ხორციელდება მკურნალობის შემდგომ გართულებული მდგომარეობის რეანიმაციული მართვა, იმ პაციენტებისთვისაც, რომლებიც მკურნალობის კურსს სხვა კლინიკებში გადიან. ასევე, კლინიკური ონკოლოგიის გარდა, ყურადღებას იპყრობს ონკოლოგიის მიმართულება, სადაც მეოთხე კლინიკური ჯგუფის, პალიატიური პაციენტების მართვა ხორციელდება.
თელავის რეფერალური ჰოსპიტლის ონკოლოგიის დეპარტამენტის მაღალკვალიფიციურ გუნდს ხელმძღვანელობს კლინიკური და პალიატიური პაციენტების მართვაში ლიცენზირებული ონკოლოგი, ზეინაბ მგელიაშვილი.